الموضوع الثالث (الستر)

بسم الله الرحمن الرحيم

والحمد لله رب العالمين والصلاة والسلام على اشرف المرسلين سيدنا محمد صلى الله عليه وسلم

ربى اشرح لي صدرى ويسر لى امرى واحلل العقدة من لسانى يفقة قولى سبحانك لاعلم لنا الا ما علمتنا انك انت العليم الحكيم
الموضوع التالت وهو ( الستر)
كتير من الناس بيشطرت على ربنا لو انا سمعت كلامك لازم توفقنى ولو موفقتنيش يبقى احنا متفقناش على كدة كان العهد لو سمعت كلامك تكرمنى
هواصلا ربنا بيكرمك من غير متسمع كلامة دا انت من امه النبى عليه الصلاة والسلام
هو زمان لما كان قلم القدر بيكتب مين امه النبى كنت انت فين كان ليك وجود دا اول حاجة اتخلقت هو القلم قبل خلق الكون بخمسين الف سنه من امه النبى اللى هيسيب الجنة ويسيب ظل عرش ربنا ويروح النار يطلع العصاه من امته اصحاب الكبائر
لما النبى عليه الصلاة والسلام قال لربنا امتى قال إنا سنرضيك فى امتك ولا نسوئك
متخفشى هنكرمك فى الامة دى كنت انت فين لما كتبك من امه محمد
يبقى متفرضشى حاجة عليه متحطش شروط لطاعتك ليه لان ربنا معلهوش حق لحد
احنا عايشين فى ستره كل يوم بيسترنا دحنا اوقات منستحقش نعيش فى ارضة من كتر معاصينا ليه وهو بيسترنا
متقولوش عبدتك فين جزائى متكونشى زى اللى ربنا قال عليهم
(َمِنَ النَّاسِ مَن يَعْبُدُ اللَّهَ عَلَى حَرْفٍ فَإِنْ أَصَابَهُ خَيْرٌ اطْمَأَنَّ بِهِ وَإِنْ أَصَابَتْهُ فِتْنَةٌ انقَلَبَ عَلَى وَجْهِهِ خَسِرَ الدُّنْيَا وَالْآخِرَةَ ذَلِكَ هُوَ الْخُسْرَانُ الْمُبِينُ )
لولا جميل ستره لم يكن عملاً اهل للقبول
سترك فمحدش شاف عيوبك كلنا مليانين عيوب وفضايح وهو سترهلنا
شباب كتير بيبقى قاعد قدام التليفزيون وبيتفرج على الكليبات القبيحة والبنات العاريات وعمال يتلفت حوليه لحسن حد يشوفه
ويكشف عورتة الاخلاقيه وناسى ان ربنا مطلع عليه وستره
ويسمع صوت رجلين معديه يروح قالب على قناة محترمة علشان محدش ياخد عنه فكرة وحشة
وناسى ان ربنا بيستحى من العبد والعبد معندوش دم سامحونى فى اللفظ هو كدة عامل اعتبار للبشر وناسى رب البشر
كام مرة اتكلمت على حد من وراه وسترك مع ان الكلام ده لو وصل للى انت اتكلمت عليه هيبقى فى مشاكل وممكن يبقى فى خراب بيوت
وسترك وسابك يمكن قلبك يخشع ويرجع (وتستحى) منه مش عايز يفضحك
الستر مش فى الفضائح بس فى ستر احنا مش حاسين بيه تكون بتتكلم مع واحد وينرفزك بالكلام طروح اخلاقك المش كويسة تظهر تروح متنرفز وشاتم وتقل ادبك و تظهر عورة انت كنت بدريها من الناس
ايه اللى حصل منتا كنت من شوية حضرتك ويا فندم ايه اللى حصل اتكشف الستر فظهرت العورات الاخلاقيه
فخد بالك محدش بيمدحك ويقولك شكرا الا لما هو سترك من عنده
اللى بيمدحك مش شايف عوراتك الاخلاقيه
وكلنا مرينا بناس كانوا بيتكلموا فى مواضيع وربنا منع عنهم الستر فيتكلموا بكلام يسقطوا من عين الناس
فخد بالك احنا عايشين فى ستره
(ما صحبك إلا من صحبك وهو بعيبك عليم وليس ذلك إلا مولاك الكريم)
اكيد فهمتوا الموضوع وعرفتوا عيوبكم فين وهو ستركم فين
فالحمد لله على نعمة الستر ياريت نستحى من ربنا لانه بيستحى مننا
واخر كلامنا الحمد لله رب العالمين.

جزاك اللهـ خيراً
وللاسف هذا يحصل في الزمن الحاضر