بسم الله الرحمن الرحيم
والحمد لله رب العالمين والصلاة والسلام على اشرف المرسلين سيدنا محمد صلى الله عليه وسلم
ربى اشرح لي صدرى ويسر لى امرى واحلل العقدة من لسانى يفقة قولى سبحانك لاعلم لنا الا ما علمتنا انك انت العليم الحكيم
الموضوع ده يا جماعة حبيت اكتبه لما لقيت تقيم وتشجيع على الموضوع اللى فات وجزاكم الله خيراً
انهردة هكلمكم عن موضوع جميل اوى اسمة
(انا اولى بذالك منك)
تسمع عن واحد بيعامل ربنا مش بيعامل الناس تسمع عن واحد بيعطى دون انتظار المقابل تسمع عن واحد بيسامح حتى لو اللى قدامة غلطان فيه
واحد بيتعامل مع الناس بصفات ربنا على قدة
ربنا رحيم هو كمان رحيم بس على قدة
ربنا كريم هو كمان كريم بس على قدة
كل طاعة طالعة من البشر طالعة ناقصة على قدة
امال ليه النبى عليه الصلاة والسلام علمنا الاستغفار بعد كل صلاة
علشان حتى لو كنت جبت اخر خشوع عندك فى الصلاة واخر تقوة
متلقش بربنا عزل وجل لانها على قدك اخر مستطاعك انت
بس هو كريم بيقبلها منك مش بيرضهالك
باب عظيم اوى للدخول على الله اسمة باب الخلق
ان انا اعامل الناس بالطريقة اللى احب ربنا يعاملنى بيها
هتعاملهم بالرحمة هيرحمك (انما يرحم الله من عباده الرحماء)
هتعملهم بالكرم هيكرمك
هتعاملهم بالتسامح هيسامحك
قال صلى الله عليه وسلم حديث عبارة عن قصة واحد كان كريم وبيتجاوز عن الناس كان بيسلف الناس ثم يأمر الجباه اللى هما بيحصلوا انهم يروحوا يخدوا الفلوس من الناس اللى عليهم الديون
فإذا وجدوا معسراً يرجعولوا فيقول
(تجاوزوا عنه لعل الله يتجاوز عنى يوم القيامة فلما جاء وقت الحساب قال له الله عبدى انا اولى بذالك منك قد تجاوزت عنك)
اذا كنت انت يا عبد ياللى صفاتك فيها نقصان بتسامح وبتتجاوز انا اكرم الكرماء انا اولى بذالك منك
وانا اعظم من يتجاوز عن عظيم الذنوب
على طول يا شباب ربنا مبيوصيش بحاجة الا ويسبقك اليها
لا يمكن ربنا يوصيك بالرحمة وميرحمكشى لو كنت انت رحيم وامتسلت لامر ربنا
لايمكن ربنا يوصيك بالرئفة وميكنشى بيك رؤوف رحيم
اذا كان سمى النبى عليه الصلاة والسلام بالمؤمنين رؤوف رحيم
علشان كدة يا شباب افتكروا كل متعامل الناس بصفة حلوة
دى بشرا ان ربنا هيعملك بيها
(انا اولى بذالك منك)
علشان كدة ربنا قال
يا ابن آدم اذكرنى حين تغضب اذكرك حين اغضب
افتكر لما تكون متنرفز وعندك قدرة تنتقم اذكرنى حين تغضب
اذكرك حين اغضب
بتعمل حاجات فى حق ربنا توجب غضبة ورحمتة سبقت غضبة فجعل رحمتك تسبق غضبك وكون ربانى مع الناس
* سيدنا موسى عليه السلام قال لربنا بتحب مين من احببت حتى احبهم بحبك قال يا موسى احبُ عبدى تقى القلب نقى اليدين لا يمشى إلى احد بسوء احبنى واحب من احبنى وحببنى الى خلقى
العبد ده بيحبنى وبيحب حبيبى وبيحببنى لخلقى
(حبه يا موسى لو حبيته هحبك)
(انا اولى بذالك منك)
هتلاقى فى الناس اللى بينكر الجميل وانت كمان بتنكر جميل ربنا
فلما تشوف المسئ اوعى تسئ اليه علشان لما تسئ اليه ربنا ربنا يسيئ اليك
عامل الناس بالصفات اللى انت عايز ربنا يعاملك بيها
فلما تسامح المسئ ربنا يقولك ( انا اولى بذالك منك)
الشافعى بيقول بيت حلو اوى بيبين حبه لخلق الله ولامة محمد صلى الله عليه وسلم
(من نال منى او علقت بزمته ابرأته لله شاكراً منته اأرا معوقاً مؤمنا يوم الجزاء او ان اسوء محمد فى امته )
انا ازعل النبى فى امته واشتم اللى يشتمنى وانتقم من اللى بيجرحنى
ازعل واحد من اهل الجنة ايوة كل امه محمد عليه الصلاة والسلام من اهل الجنه
فيهم اللى هيدخل النار ويخرج تانى اعزنا الله وعفانا بس هيبقى من اهل الجنه ان الله لا يسوء محمد فى أمته
الله مش هيزعل النبى فى امته وانت عايز تزعل النبى منك وتغضب ربنا
يلا نسامح علشان يسمحنا يلا نكرم خلقة علشان يكرمنا يلا نحبهم علشان يحبنا (انا اولى بذالك منك)
انا عندى كلام كتير اوى و*ديث كتيرة اوى بس مش عايز اطول عليكوا
وأسأل الله ان يجمعنا مع خير المرسلين فى جنات النعيم
والحمد لله رب العالمين
موضوع: الموضوع التانى انا اولى بذالك منك 
السبت يونيو 20, 2009 1:27 am