الموضوع الخامس ( كيف ترى الودود)

بسم الله الرحمن الرحيم

والحمد لله رب العالمين والصلاة والسلام على اشرف المرسلين سيدنا محمد صلى الله عليه وسلم

ربى اشرح لي صدرى ويسر لى امرى واحلل العقدة من لسانى يفقة قولى سبحانك لاعلم لنا الا ما علمتنا انك انت العليم الحكيم

موضوع انهرده هو كيف ترى الودود فى كل شئ

كيف تراه بقلبك وتشعر بوده تجاهك

حديث قدسى ربنا بيتودد فيه للعباد

حديث فى الصحيحين عن ابى هريرة رضى الله عنه عن النبى صلى الله عليه وسلم قال

ينزل ربنا إلى السماء الدنيا فى الثلث الأخير من الليل ينادى على العبيد هل من تائب فأتوب عليه هل من مستغفر فأغفر له هل من سائل فأعطيه وذالك فى كل لليلة.

هو اللى بيجيلك بينزلك بيقولك عايز حاجة نفسك فى حاجة

طب انت غلط عايز تستغفر اغفرلك عايز تتوب

تخيل كده كل لليلة ربنا بينزل من الساعة 1 لغاية الفجر فى السماء الدنيا وينده على عبيده

محدش عايز حاجة اعطيهالو شوفتوا الود من ربنا قد ايه بتبقى انت قاعد قدام الشات بتكلم دى ودى ودا وتهزر مع ده وتشتم دا

وهو بيقولك مش عايز حاجة مش عايز تستغفر اغفرلك

الحديث ده مثل لواحد عنده شركة وفى 100 واحد متقدمين للشغل سبهم كلهم واختارك انت وقالك احنا عندنا شغل كتير الناس دى كلها نفس المؤهلات بتاعتك بس انا اخترتك لحكمة عندى.

اشتغلت اول يوم جه لقاك نايم مع ان دا وقت شغل

تانى يوم جه لقاك بتتكلم فى حاجة غير اللى هو جابك علشانها

تالت يوم جه لقاك زهقان ومش عايز تيجى الشغل

رابع يوم جه لقاك متأخر مش جاى فى الميعاد اللى قالك عليه

خامس يوم جه لقاك بتتفق مع الناس تأزيه بتتفق مع الموظفين انكم تأزوه

كل يوم كدة وفى يوم بعتلك واحد عزيز عليه ابنه مثلا قولتله مش فاضى مش وقته انا عايزك تتخيل لو انت مكانه هتعمل ايه

تخيل انه كل يوم وهو بيخش عليك ويقولك مش عايز حاجة شربت حاجة ولا مشربتش طب انت مزعلنى تحب تعتزر اهو انا واقف قصادك ومخليك فى شركته ومطردكشى. (ولله المثل الأعلى)

ينزل ربنا الى السماء الدنيا مين عايز حاجة واديهالو على طول وانت مش فاضى مش واخد بالك وهو بيتودد إليك

فى ود اكتر من كدة يا شباب وشرح الحديث طويل جدااا كلنا عارفينة بس مش عارفين شرحه وامثلته علشان يثبت فى عقولنا وقلوبنا اولا

(إِنَّ بَطْشَ رَبِّكَ لَشَدِيدٌ إِنَّهُ هُوَ يُبْدِئُ وَيُعِيدُ وَهُوَ الْغَفُورُ الْوَدُودُ ذُو الْعَرْشِ الْمَجِيدُ فَعَّالٌ لِّمَا يُرِيدُ )

فالودود مش علشان محتاجلنا دا علشان انت اللى محتاجة انت اللى من غيره ومن غير رحمته ووده هضيع

(عبدى اذكرك وانت تنسانى استرك ولا تخشانى استحى منك ولا تستحى منى كم لجأت إلى فكفيتك ما تريد وكم دعوتنى فأعطيتك فوق المزيد ابخيل انا فيبخل علي عبدى )

بخل عليك فى حاجة قبل كده سألته حاجة ومأعطهلكشى طب بتبعد عنه ليه قوم انهرده كدة فى الثلث الاخير من الليل وقوله سامحنى هيسمحك قوله عايز هيعطيك قولة استغفرك هيغفرلك بصدق كلام الحبيب محمد صلى الله عليه وسلم (وَمَا يَنطِقُ عَنِ الْهَوَى إِنْ هُوَ إِلَّا وَحْيٌ يُوحَى عَلَّمَهُ شَدِيدُ الْقُوَى)



وأسأل الله ان يجمعنا مع خير المرسلين فى جنات النعيم

والحمد لله رب العالمين

يسلمو يا بعد قلبي